ఇంటింటా ఇన్నోవేటర్ కు అన్నివర్గాలు దరఖాస్తు చేసుకోవాలి .

దరఖాస్తులకు తుది గడువు ఆగష్టు 5 – 2022

వాల్ పోస్టర్ విడుదల చేసిన కలెక్టర్ అమోయ్ కుమార్

హైదరాబాద్,జులై 30 (ఇయ్యాల తెలంగాణ) : ఇంటింటా ఇన్నోవేటర్ వంటి కార్యక్రమాలు నూతన ఆవిష్కరణలకు దోహదపడుతాయని విద్యార్థుల్లో సృజనాత్మకతను వెలికితీయవచ్చునని జిల్లా  కలెక్టర్  అమోయ్ కుమార్ తెలిపారు. రాష్ట్ర ప్రభుత్వం గత నాలుగేళ్లుగా ప్రతిష్టాత్మకంగా నిర్వహిస్తున్న ఇంటింటా వెయిటర్ కార్యక్రమం చక్కని వేదికగా నిలుస్తుందని  జిల్లా కలెక్టర్ వెల్లడించారు. ఈ మేరకు కలెక్టర్ కార్యాలయంలో తెలంగాణ స్టేట్ ఇన్నోవేషన్ సెల్ వారు రూపొందించిన ఇంటింటా ఇన్నోవేటర్ గోడపత్రికను కలెక్టర్ ఆవిష్కరించారు. జిల్లా విద్యాశాఖాధికారిణి ఆర్. రోహిణి గారు మరియు జిల్లా సమన్వయకర్త  సీ .ధర్మేందర్ రావు పాల్గొన్నారు.    

ఈ సందర్భంగా మాట్లాడుతూ రాష్ట్రంలో ఇన్నోవేషన్ మరియు సృజనాత్మకతను ప్రోత్సహించడానికి తెలంగాణలోని మొత్తం 33 జిల్లాలు ఒకేసారి ఆయా జిల్లాలో స్వాతంత్య్ర దినోత్సవ  వేడుకల సందర్బంగా ఆవిష్కరణల ప్రదర్శనను నిర్వహిస్తున్నాయి  , 

ఈ ప్రదర్శనలో పాల్గొనడానికి అన్ని రంగాల వర్గాల ఆవిష్కరణలను ప్రోత్సహించడం జరుగుతోందని గ్రామీణ ఆవిష్కరణ , విద్యార్థుల ఆవిష్కరణ  , సూక్ష్మ మరియు చిన్నతరహా పరిశ్రమలలో ఆవిష్కరణలు మొదలగు  అంగీకరించబడతాయి ,

ఆవిష్కర్తలు తమ ఆవిష్కరణలకు సంబంధించిన ఆరు వ్యాఖ్యలు , రెండు నిమిషాల వీడియోను , ఆవిష్కరణ యొక్క నాలుగు ఫొటోలు   , ఆవిష్కర్త పేరు , ఫోన్ నంబర్ , వయస్సు , ప్రస్తుతం వృత్తి ,  గ్రామం పేరు , జిల్లా పేరు  తదితర  వివరాలు వెంటనే 9100678543 కి వాట్సాప్ చేయగలరు ,  ఇన్నోవేటర్స్ నుండి దరఖాస్తులను స్వీకరించడానికి చివరి  తేదీ 05 ఆగస్ట్ 2022  అందుకున్న దరఖాస్తుల నుండి మొదటి షార్ట్ లిస్టు తర్వాత ప్రతి జిల్లా నుంచి  ఐదు ఆవిష్కరణలను ప్రదర్శనకు ఎంపిక చేయబడతాయి మరిన్ని వివరాలకు జిల్లా సమన్వయకర్త   సీ . ధర్మేందర్ రావు ను 7799171277 చరవాణిలో సంప్రదించాలని జిల్లా పాలనాధికారి    తెలిపారు  .