తూర్పు సిరియాలో ఆయుధ కేంద్రాలపై అమెరికా వైమానిక దాడులు

వాషింగ్టన్‌ అక్టోబర్‌ 27 (ఇయ్యాల తెలంగాణ ): తూర్పు సిరియాలో ఉన్న రెండు ఆయుధ కేంద్రాలపై అమెరికా వైమానిక దాడులు చేసింది. ఆ కేంద్రాల వద్ద ఇరాన్‌ దళాలతో పాటు అనుబంధ గ్రూపులు ఉన్నట్లు అనుమానాలు వ్యక్తం అవుతున్నాయి. ఆదేశ రక్షణశాఖ మంత్రి లాయిడ్‌ ఆస్టిన్‌ ఈ విషయాన్ని తెలిపారు. ఇరాక్‌, సిరియాల్లో ఉన్న అమెరికా దళాలను కాపాడుకునేందుకు ఆత్మరక్షణ దాడులకు పాల్పడినట్లు మంత్రి చెప్పారు. ఇరాన్‌ అండతోదాడులకు పాల్పడుతున్న మిలిటెంట్‌ గ్రూపులను కట్టుడి చేయాలన్న ఉద్దేశంతో అమెరికా వైమానిక దాడులు చేసింది.ఇరాన్‌ ప్రోద్బలంతో అమెరికా దళాలపై దాడులకు దిగుతున్నారని, దీన్ని ఆపాలనిమంత్రి లాయిడ్‌ కోరారు. తమ దళాలపై దాడులు చేస్తూనే, ఇరాన్‌ తన జోక్యాన్ని దాచి పెట్టే ప్రయత్నం చేస్తోందని ఆరోపించారు. ఇరాన్‌ మిలిటెంట్ల దాడులు ఎక్కువైతే దానికి తగిన మూల్యం ఆ దేశంచెల్లించుకోవాల్సి వస్తుందని రక్షణ మంత్రి లాయిడ్‌ పేర్కొన్నారు. ఇజ్రాయిల్‌, హమాస్‌తో సంబంధం లేకుండా ఈ దాడులు జరుగుతున్నాయన్నారు. ఇటీవల ఇరాన్‌ మిలిటెంట్లు చేసిన దాడిలో సిరియాలోఉన్న అమెరికాకు చెందిన సుమారు 21 మంది సైనికులు గాయపడ్డారు.సిరియాపై చేసిన లక్ష్యిత దాడుల్లో వెపన్స్‌, అమ్యూనిషన్‌ స్టోరేజ్‌ ఏరియాను పేల్చివేసినట్లు పెంటగాన్‌ తెలిపింది. రెండు ఎఫ్‌`16ఫైటర్‌ విమానాలు ఈ దాడులు చేశారు. ఇరాకీ బోర్డర్‌ వద్ద ఉన్న బౌకుమాల్‌ పట్టణంపై అటాక్‌ జరిగింది. ఇరాన్‌, సిరియా, లెబనాన్‌కు ఈ ప్రాంతం నుంచి ఆయుధాలు సరఫరా అవుతున్నట్లు పెంటగాన్గుర్తించింది. ఇరాన్‌కు చెందిన మిలిటెంట్లు, ఐఆర్జీసీ దళాలు ఆ ప్రాంతంలో ఉన్నట్లు తేలింది. అమెరికా దళాలపై వాడిన ఆయుధాలు ఆ స్టోరేజ్‌ ఏరియాలో ఉన్నట్లు గుర్తించామని రక్షణశాఖ అధికారి తెలిపారు.

iyyala telangana: ఇయ్యాల తెలంగాణ తెలుగు దినపత్రిక గత 11 సంవత్సరాలుగా తెలంగాణ రాష్ట్రం నుంచి సరికొత్త వార్తా ధోరణితో పాఠకుల ఆదరణ పొందుతుంది. అనతి కాలంలోనే విశేష ఆదరణ పొంది ఏంతో మంది పాఠకులకు చెరువవుతుంది. మీ అందరి ఆధర అభిమానులతో ముందుకు వెళుతూ ఎప్పటికప్పుడు సరికొత్త వార్తా సమాచారాలను అందరికి అందించాలనే ఆకాంక్షను అందరు ఆదరిస్తూ ఉంటారని ఆశిస్తున్నాము. ప్రస్తుతం అనేక మంది వీక్షకులు, పాఠకులు ఆన్ లైన్ వార్తలనే ఎక్కువగా కోరుకుంటుండటంతో మీ ముందుకు ఎప్పటికప్పుడు నిజమైన వార్తలను ముందుచేలా చేస్తున్న ఇయ్యాల తెలంగాణ పత్రిక, ఆన్ లైన్ సామ్రాజ్యాన్ని ప్రతి ఒక్కరూ ఆదరిస్తూ ఉంటారని మా ఆకాంక్ష .....