హైదరాబాద్‌, జూలై 9, (ఇయ్యాల తెలంగాణ) : తెలంగాణ రాష్ట్రాన్ని వరుణుడు కుండపోత వర్షాలతో ముంచెత్తుతున్నాడు. ఉపరితల ఆవర్తనం ప్రభావంతో హైదరాబాద్‌ సహా అనేక జిల్లాల్లో కుంభవృష్టి కురుస్తోంది. గురువారం రాత్రి నుంచి శుక్రవారం రాత్రి వరకూ సూర్యాపేట జిల్లా ఆత్మకూరులో అత్యధికంగా 19.4 సెంటీవిూటర్ల వర్షం కురిసింది. శుక్రవారం ఉదయం 8.30 నుంచి రాత్రి 10 గంటల వరకు సూర్యాపేట జిల్లా మునగాలలో 9.75 సెం.విూ. వర్షపాతం నమోదైనట్లు అధికారులు వెల్లడిరచారు. భారీ వర్షాలతో అనేక చోట్ల ప్రాణ, ఆస్తి నష్టం కలిగింది.నల్గొండ జిల్లాలో గోడ కూలి తల్లీకుమార్తె చనిపోయారు. మహబూబ్‌నగర్‌ జిల్లాలో ఆర్‌యూబీ కింద వర్షపు నీటిలో పాఠశాల బస్సు చిక్కుకోవడంతో విద్యార్థులు హాహాకారాలు చేశారు. దాన్ని గమనించిన సవిూపంలోని రైతులు, యువకులు 25 మంది విద్యార్థులను రక్షించారు. మరోవైపు గజ్వేల్‌ మండలంలో పాఠశాల ఆవరణలో విద్యుత్‌ స్తంభం కూలడంతో పెనుప్రమాదం తప్పింది. భద్రాద్రి కొత్తగూడెం జిల్లా మణుగూరు, దుమ్ముగూడెం మండలాల్లో వరద ప్రవాహానికి శంకర్‌(28), ఏనిక దుర్గమ్మ(55)లు గల్లంతయ్యారు. బూర్గంపాడు మండలంలో పశువుల కాపరి నర్సిరెడ్డి కిన్నెరసాని వాగులో చిక్కుకుపోగా రెస్క్యూ టీం కాపాడిరది.ఇదిలా ఉండగా తెలంగాణ రాష్ట్రానికి వాతావరణ శాఖ రెడ్‌ అలర్ట్‌ జారీచేసింది.
తెలంగాణలో రుతుపవనాలు వేగంగా కదులుతుననాయని, దీని ప్రభావంతో శనివారం అత్యంత భారీ వర్షాలు, ఆదివారం భారీ వర్షాలు కురుస్తాయని వాతావరణశాఖ రాష్ట్ర అధికారి శ్రావణి వివరించారు. వర్షాల కారణంగా రాష్ట్రంలో విద్యుత్‌ గరిష్ఠ డిమాండు శుక్రవారం ఉదయం 8 గంటలకు 8356 మెగావాట్లుంటే రాత్రి 8.30 గంటలకు 6 వేల మెగావాట్లకు పడిపోయింది. సింగరేణి గనుల్లో బొగ్గు ఉత్పత్తికి ఆటంకం ఏర్పడిరది. భద్రాచలం వద్ద గోదావరి నీటిమట్టం శుక్రవారం 20.6 అడుగులకు పెరిగింది. దుమ్ముగూడెం మండలం పర్ణశాల సీతవాగు పొంగి సీతమ్మ నారచీరల ప్రాంతం, సీతమ్మ విగ్రహం, స్వామివారి ఉత్తరీయం తెలిపే ఆనవాళ్లు నీట మునిగాయి. ఉమ్మడి నల్గొండ జిల్లాలోనూ భారీ వర్షాలకు అనేక లోతట్టు ప్రాంతాలు జలమయమయ్యాయి.