భక్తి ప్రతినిధి : జూలై 10 – ఇయ్యాల తెలంగాణ
ఆషాడ శుద్ధ ఏకాదశిని తొలి ఏకాదశి అని అంటారు. ఈ తొలి ఏకాదశి నాడే శ్రీ మహావిష్ణువు యోగ నిద్రకు ఉపక్రమిస్తాడు. ఈ ఏకాదశినే శయనేకాదశి అని అంటారు. అందుకే ఈ ఏకాదశికి అంత ప్రాముఖ్యత ఉంది. కార్తీక శుద్ధ ఏకాదశి వరకు యోగ నిద్రలో ఉంటాడు శ్రీ మహావిష్ణువు దీనినే ఉత్తాన ఏకాదశి అంటారు.
తొలి ఏకాదశికి ఆలయాల ముస్తాబు
జూలై 10 తొలి ఏకాదశి పర్వదినాన్ని పురస్కరించుకొని నగరంలోని పలు ఆలయాల్లో ఏకాదశి పర్వదినానికి సంబంధించి ఆలయాలను ముస్తాబు చేసింది ఆలయ కమిటీ నగరంలోని తిరుమల తిరుపతి వారి దేవస్థానంతో పాటు బంజారాహిల్స్ లోని వెంకటేశ్వర ఆలయం, జియాగూడ లోని ఆలయాలు తొలి ఏకాదశికి ముస్తాబయ్యాయి. ఇంకా అనేక దేవాలయాలకు సంబంధించి ఉదయం నుంచి భక్తుల తాకిడి ఉన్నందున భక్తుల దర్శనార్థం ప్రత్యేక ఏర్పాట్లు కొనసాగిస్తున్నారు.