మార్కెట్లో నకిలీ విజయ Milk తో జాగ్రత్త !

హైదరాబాద్‌, ఫిబ్రవరి 26 (ఇయ్యాల తెలంగాణ) : కొంతమంది ప్రైవేట్‌ డైరీ వారు విజయ  పేరుతో తమ  విజయ తెలంగాణ పాల ప్యాకెట్లను విక్రయిస్తూ చట్ట వ్యతిరేక కార్యక్రమాలకు పాల్పడు తున్నారని అలాంటి పాలను కొనుగోలు చేయవద్దని తెలంగాణ డైరీ డెవలప్మెంట్‌ కో`ఆపరేటివ్‌ ఫెడరేషన్‌ లిమిటెడ్‌ చైర్మన్‌ గుత్తా అమిత్‌ రెడ్డి పేర్కొన్నారు. ఈ మేరకు బుధవారం లాలాపేట్‌ లోని విజయ భవన్లో ఏర్పాటుచేసిన విలేకరుల సమావేశంలో డైరీ ఎండి చంద్రశేఖర్‌ రెడ్డి తో కలిసి చైర్మన్‌ గుత్తా అమిత్‌ రెడ్డి మాట్లాడుతూ ప్రజలు విజయ తెలంగాణ అని బ్రాండ్‌ ఉంటేనే పాలను  కొనుగోలు చేయాలని విజ్ఞప్తి చేశారు. ఎవరైనా తెలంగాణ నకిలీ పాలను డిస్ట్రిబ్యూటర్స్‌ వెండర్స్‌ కొనుగోలు చేస్తే వారిపై చట్టపరమైన చర్యలు తీసుకుంటామని ఇప్పటికే తాము కోర్టును ఆశ్రయించడం జరిగిందన్నారు. ఇలాంటి నకిలీ  విజయ పాల తో వచ్చిన ఉత్పత్తులను కొనుగోలు చేయవద్దని సూచించారు ఇవి ప్రజల ఆరోగ్యానికి సంబంధించినవి కాబట్టి తమ లోగోను పరిశీలించి కొనుగోలు చేయాలని విజ్ఞప్తి చేశారు.