రాజ్యసభ లిస్ట్‌ ప్రకటించిన బీజేపీ

న్యూఢల్లీ, జూలై 12 (ఇయ్యాల తెలంగాణ ): రాజ్యసభకు అభ్యర్థులను బీజేపీ ప్రకటించింది. ఇందులో తెలుగు రాష్ట్రాల నుంచి ఎవరికీ చోటు దక్కలేదు.  గుజరాత్‌ నుంచి బాబుభాయ్‌, దేవ్‌సిన్హ్‌ జాలకు అవకాశం దక్కగా.. బెంగాల్‌ నుంచి అనంత మహరాజ్‌కు అవకాశం లభించింది. ఈనెల 24వ తేదీన 10 రాజ్యసభ స్థానాలకు ఎన్నికలు జరగనున్నాయి. ఇప్పటికే గుజరాత్‌ నుంచి రాజ్యసభకు నామినేషన్‌ వేశారు విదేశాంగశాఖ మంత్రి జైశంకర్‌. గుజరాత్‌లో మూడు, బెంగాల్‌లో ఆరు, గోవాలో ఓ రాజ్యసభ స్థానానికి ఎన్నికలు జరుగుతాయి. బీజేపీ ఐదు స్థానాల్లో గెలిచే అవకాశం ఉంది. రాజ్యసభ నామినేషన్ల గడువు రేపటితో ముగుస్తుంది. రాజ్యసభకు జరగనున్న ఎన్నికల కోసం బాబుభాయ్‌ జెసంగ్‌భాయ్‌ దేశాయ్‌ (గుజరాత్‌ నుండి), కేశ్రీవేవ్‌సిన్హ్‌ జాలా (గుజరాత్‌ నుండి), అనంత మహారాజ్‌ (పశ్చిమ బెంగాల్‌ నుండి) అభ్యర్థులను ప్రకటించింది.అనంత రాయ్‌ ‘మహారాజ్‌’ పశ్చిమ బెంగాల్‌ నుండి ‘గ్రేటర్‌ కూచ్‌ బెహార్‌’ ప్రత్యేక రాష్ట్రాన్ని రూపొందించాలని డిమాండ్‌ చేస్తున్నారు. కొద్ది రోజుల క్రితం హోంమంత్రి అమిత్‌ షా అస్సాంలో గ్రేటర్‌ కూచ్‌బెహార్‌ పీపుల్స్‌ అసోసియేషన్‌ నాయకుడు అనంత్‌ మహరాజ్‌ను కలవడానికి వెళ్లారు. కూచ్‌బెహార్‌లోని రాస్‌మేళా మైదానంలో ప్రధాని నరేంద్ర మోదీ బహిరంగ సభ నిర్వహించగా అనంత్‌ మహరాజ్‌ కూడా అక్కడికి చేరుకున్నారు.10 రాజ్యసభ స్థానాలకు జూలై 24న ఎన్నికలు జరుగుతాయని ఎన్నికల సంఘం (ఇఅఎ) జూన్‌ 27న తెలిపింది. 294 మంది సభ్యుల అసెంబ్లీలో ుఓఅకి 216 మంది ఎమ్మెల్యేలు ఉన్నారు. ఐదుగురు బీజేపీ ఎమ్మెల్యేల మద్దతును పొందుతున్నారు. వారు పార్టీ మారారు. అధికార పార్టీ అయితే ఇంకా సభకు రాజీనామా చేయలేదు. అసెంబ్లీలో బీజేపీకి 70 మంది బలం ఉంది. అసెంబ్లీలోని లెక్కల ప్రకారం ఈ ఏడు రాజ్యసభ స్థానాల్లో ఆరు స్థానాలు టీఎంసీకి, ఒకటి బీజేపీకి దక్కనున్నాయి.