విమానంలో ప్రయాణికుడికి అస్వస్థత

చికిత్స చేసిన గవర్నర్‌ తమిళిసై

వారణాసి నుండి తిరుగు ప్రయాణంలో ఢల్లీి` హైదరాబాద్‌  అర్ధరాత్రి విమానంలో ప్రయాణిస్తున్న ఒక ప్రయాణికుడు అస్వస్థతకు గురికావడంతో ఆ విమానంలోనే ప్రయాణిస్తున్న గవర్నర్‌ డాక్టర్‌ తమిళిసై సౌందరరాజన్‌ ఆ ప్రయాణికుడికి ప్రాథమిక చికిత్స చేశారు. ప్రయాణికుడు చెస్ట్‌ పెయిన్‌, ఇతర సమస్యలతో విమానం గాల్లో ఉన్నప్పుడు తీవ్ర అస్వస్థతకు గురికావడంతో… విమాన సిబ్బంది ఆ విమానంలో ఎవరైనా డాక్టర్‌ లు ఉన్నారా అని  అనౌన్స్‌  చేయడంతో… విషయం తెలిసిన డాక్టర్‌ తమిళిసై సౌందరరాజన్‌ వెంటనే స్పందించి ఆ ప్రయాణికుడికి ప్రాథమిక చికిత్స అందించి, భరోసా ఇచ్చి ఉపశమనం కలిగించారు. కోలుకున్న ప్రయాణికుడు గవర్నర్‌ కు కృతజ్ఞతలు తెలిపాడు అదేవిధంగా ఆ విమానంలో ప్రయాణిస్తున్న ఇతర ప్రయాణికులు అభినందనలు తెలిపారు. అదే విమానంలో ప్రయాణిస్తున్న మరో ప్రయాణికుడు ఈ చికిత్స క్రమాన్ని కొన్ని ఫోటోలు తీసి తన ట్విట్టర్‌ లో షేర్‌ చేసుకోవడంతో ఈ విషయం వెలుగులోకి వచ్చింది.