.jpg){kind=link}
టాలీవుడ్‌ మోస్ట్‌ బ్యూటిఫుల్‌ అండ్‌ టాలెంటెడ్‌ హీరోయిన్‌ అచ్చ తెలుగు అమ్మాయి అనన్య నాగళ్ళ ప్రస్తుతం యమ స్పీడ్‌ గా దూసుకెళ్తుంది. తాజాగా గణపతి పిక్చర్స్‌ బ్యానర్లో ప్రొడక్షన్‌ నెం 1 గా తెరకెక్కుతున్న చిత్రంలో హీరోయిన్‌ గా నటిస్తోంది. తన పుట్టినరోజు సందర్భంగా ఈ సినిమా సెట్‌ లో చిత్ర యూనిట్‌ అందరితో కలిసి కేక్‌ కట్‌ చేసి సందడి చేసింది. ఈ ప్రొడక్షన్లో సినిమా చేయడం తనకెంతో సంతోషాన్ని ఇస్తుందని ఈ సందర్భంగా అనన్య నాగళ్ళ ఆనందం వ్యక్తం చేసింది. ప్రముఖ తెలుగు స్టార్‌ కమెడియన్‌ వెన్నెల కిషోర్‌ ప్రధానపాత్రలో, బ్యూటీ అనన్య నాగళ్ల హీరోయిన్‌ గా రైటర్‌ మోహన్‌ దర్శకత్వంలో ఈ చిత్రం తెరకెక్కుతోంది.మల్లేశం సినిమాతో తెలుగు ప్రేక్షకులకు పరిచయమైన ఈ భామ తన నటనా ప్రతిభతో ప్రేక్షకుల్ని మంత్రముగ్ధుల్ని చేసింది. తన అందం అభినయంతో వకీల్‌ సాబ్‌ లాంటి భారీ చిత్రంలో అవకాశాన్ని దక్కించుకొని మంచి పేరు తెచ్చుకుంది. ఆ తర్వాత వరుసగా ప్లే బ్యాక్‌, మ్యాస్ట్రో, శాకుంతలం, మళ్లీ పెళ్లి వంటి చిత్రాలతో అలరించింది. ఇటీవలే తన పుట్టినరోజు జరుపుకుంది ఈ అమ్మడు. ఈ సందర్భంగా మూవీ మేకర్స్‌ తనకు శుభాకాంక్షలు తెలియజేస్తూ ఆమె అప్‌ కమింగ్‌ సినిమా పోస్టర్లను విడుదల చేశారు.ప్రస్తుతం అనన్య చేతులో భారీగా సినిమా ఆఫర్లు ఉన్నాయి. అందులో బహిష్కరణ, లేచింది మహిళా లోకం, అన్వేషీ, నవాబు, తంత్ర సినిమాలతో కలిపి మొత్తం 7 సినిమాల్లో హీరోయన్‌ గా నటిస్తుంది. అందులో ప్రొడక్షన్‌ నెం1 అంత్యంత ప్రతిష్టాత్మకంగా తెరకెక్కుతుంది. ఈ సినిమాకు సంబంధించిన మరిన్ని విషయాలు త్వరలోనే తెలియజేస్తామని చిత్ర యూనిట్‌ తెలిపింది.
నటీనటులు: అనన్య నగళ్ల, వెన్నెల కిషోర్‌, తదితరులు