హీరో నవదీప్‌ ఇంట్లో నార్కోటిక్‌ బ్యూరో సోదాలు

హైదరాబాద్‌ సెప్టెంబర్ 19 (ఇయ్యాల తెలంగాణ ): సినీ హీరో నవదీప్‌ ఇంట్లో సోమవారం నాడు పార్కోటిక్స్‌ బ్యూరో పోలీసులు పోదాలు జరిపారు. మాదాపూర్‌ డ్రగ్స్‌ కేసులో నిందితుడిగా హీరో నవదీప్‌ వున్న విషయం తెలిసిందే. పోలీసులు సోదాలు చేసే సమయంలో నవదీప్‌ ఇంట్లో లేరు.  తనను అరెస్టు చేయవద్దు ఇప్పటికే కోర్టు నుంచి  అయన ఆదేశాలు తెచ్చుకున్నాడు. సోమవారం  వరకు నవదీప్‌ ను అరెస్టు చేయొద్దు అంటూ హైకోర్టు ఆదేశాలు ఇచ్చింది. డ్రగ్స్‌ కేస్‌ లో నవదీప్‌ మరోసారి హై కోర్ట్‌ లో పిటిషన్‌ వేయనున్నట్లు సమాచారం. మరోవైపు నవదీప్‌  పై పోలీసులు  కౌంటర్‌ దాఖలు చేయనున్నారు. మాదాపూర్‌ డ్రగ్స్‌ కేస్‌ లో 37 నిందితుడిగా నవ దీప్‌ ను చూపెట్టారు. తన మిత్రుడు రామ్‌ చందు దగ్గర నుంచి డ్రగ్స్‌ తీసుకున్నట్లుగా పోలీసుల వద్ద ఆధారాలు వున్నాయి. ఇప్పటికే నవదీప్‌ స్నేహితుడు రామచంద్‌ ని పోలీసులు అరెస్ట్‌ చేసారు.