BSP చార్మినార్ నియోజక వర్గం అధ్యక్షునిగా రామ్ చరణ్ దాస్

 చార్మినార్, ఫిబ్రవరి 3 (ఇయ్యాల తెలంగాణ) : బహుజన్ సమాజ్ పార్టీ BSP చార్మినార్ నియోజక వర్గం అధ్యక్షులుగా రామ్ చరణ్ దాస్ నియమితులయ్యారు. ఈ మేరకు పార్టీ రాష్ట్ర కో – ఆర్డినేటర్ ఆర్. ఎస్. ప్రవీణ్ కుమార్ రామ్ చరణ్ పార్టీ కండువా వేసి పార్టీ లోకి స్వాగతించారు. గురువారం చరణ్ ను కండువా కప్పి పార్టీ చార్మినార్ అధ్యక్షులుగా నియమించారు. రామ్ చరణ్ గతంలో అనేక పత్రికల్లో సీనియర్ విలేకరి గా అనేక సేవలను అందించారు. దీంతో పాటు వివిధ ఎస్సీ , ఎస్టీ, బీసీ వర్గాల అభివృద్ధికి వివిధ సంఘాలలో కీలక పాత్రను పోషించారు. ప్రస్తుతం బీఎస్పీ పార్టీ లో చేరిన రామ్ చరణ్ పార్టీ పటిష్టతకు కృషి చేస్తానని తెలిపారు.