CLP నేత భట్టి విక్రమార్క నామినేషన్‌ దాఖలు

మధిర నవంబర్ 9 (ఇయ్యాల తెలంగాణ ):సిఎల్పీ నేత భట్టి విక్రమార్క  గురువారం  నామినేషన్‌ దాఖలు చేసారు. అంతకుముందు వైరా శబరి నగర్‌ లోని అయ్యప్ప దేవాలయంలో కుటుంబ సమేతంగా ప్రత్యేక పూజలు నిర్వహించి మొక్కులు చెల్లించుకుని వేద పండితుల ఆశీర్వచనం తీసుకున్నారు. ఆ తర్వాత స్థానిక సాయిబాబా ఆలయంలో పూజలు నిర్వహించారు.భట్టి విక్రమార్క  స్వగ్రామమైన వైరా మండలం స్నానాల  లక్ష్మీపురం గ్రామంలోని పార్వతీ సమేత రామలింగేశ్వర స్వామి ఆలయంలో కుటుంబ సమేతంగా పూజలు నిర్వహించారు. కృష్ణాజిల్లా నెమలి గ్రామంలో శ్రీకృష్ణ దేవాలయాన్ని భట్టి విక్రమార్క గారు కుటుంబ సమేతంగా సందర్శించి ప్రత్యేక పూజలు జరిపారు. అక్కడి నుంచి నేరుగా నామినేషన్‌ దాఖలు చేయడానికి వచ్చారు,ఈ కార్యక్రమంలో భట్టి విక్రమార్క సతీమణి మల్లు నందిని విక్రమార్క, కుమారుడు మల్లు సూర్య విక్రమాధిత్య, వైరా కాంగ్రెస్‌ పార్టీ అభ్యర్థి రాందాస్‌ నాయక్‌, ఖమ్మం డిసిసి అధ్యక్షులు వాళ్ళ దుర్గాప్రసాద్‌, స్థానిక కాంగ్రెస్‌ నాయకులు పాల్గొన్నారు.