గౌలిపూర, జనవరి 23 (ఇయ్యాల తెలంగాణ) : నేతాజీ సుభాష్ చంద్రబోస్ 127 వ జయంతి వేడుకలను పురస్కరించుకొని గౌలిపురా మిత్ర గ్రౌండ్లో బాక్సింగ్ కోచ్ సత్యనారాయణ ఆధ్వర్యంలో ఏర్పాటు చేసిన నేతాజీ జయంతి వేడుకల్లో పలువురు ప్రముఖులు నేతాజీ చిత్రపటానికి పూల మాలలు వేసి నివాళులు అర్పించారు. ఈ సందర్బంగా ఆయన చేసిన సేవలను కొనియాడారు. మిత్ర గ్రౌండ్ ప్రెసిడెంట్ మాట్లాడుతూ నేతాజీ మార్గంలో నేటి యువత ముందుకు నడవాలని పిలుపునిచ్చారు. దేశం కోసం పోరాడిన వీరుల గాథలు తెలుసుకోవాల్సిన అవసరం ఎంతైనా ఉన్నదని యువత వారిని అనుసరించాలని కోరారు. ఈ కార్యక్రమంలో ఓల్డ్ సిటీ బాక్సింగ్ కోచ్ సత్యనారాయణ తో పాటు, ఫిల్మ్ స్టార్ అందె కృష్ణారావు,ఆర్.ముత్యం,జీవన్ పలువురు క్రీడాకారులు పాల్గొని నేతాజీకి నివాళులర్పించారు.