హైదరాబాద్‌, జూన్‌ 20, (ఇయ్యాల తెలంగాణ) : హైదరాబాద్‌ ట్రాఫిక్‌కి గుడ్‌బై చెప్పే రోజులు దగ్గరపడుతున్నాయి. ఒకేసారి పలు ప్రాంతాలకు కనెక్టివిటీ పెంచే ఫ్లైఓవర్లు, ర్యాంప్‌లు, అండర్‌పాస్‌లు హైదరాబాద్‌ నగర రూపాన్ని మార్చేస్తున్నాయి. తాజాగా, కొండాపూర్‌ నుంచి గచ్చిబౌలి వరకు వెళ్లే మార్గంలో ‘శిల్పా లేఅవుట్‌ ఫేజ్‌`2 ఫ్లైఓవర్‌’ నిర్మాణం పూర్తి కావచ్చింది. ఈ నెల 28వ తేదీన ఈ ఫ్లైఓవర్‌ను ముఖ్యమంత్రి రేవంత్‌ రెడ్డి ప్రారంభించనున్నారు. ప్రస్తుత నగర పరిస్థితుల్లో ఇది చాలా మంచి వార్తగా నగరవాసులు భావిస్తున్నారు. ముఖ్యంగా ఐటీ ఉద్యోగులకు ఇది సాఫ్ట్‌వేర్‌ కారిడార్‌లో బిగ్‌ రిలీఫ్‌గా మారనుంది. ఈ ఫ్లైఓవర్‌కు మాజీ మంత్రి, ప్రజాకవి, మాస్‌ నాయకుడిగా గుర్తింపు పొందిన పి. జనార్దన్‌ రెడ్డి (పీజెఆర్‌) పేరు పెట్టడం మరో విశేషం. ప్రజల్లో తనదైన ముద్ర వేసిన ఈ నేత పేరు విూదుగా ఓ ప్రధాన మార్గాన్ని అభివృద్ధి చేయడం పీబీఎన్‌ఆర్‌ మిత్రులకు గర్వకారణంగా మారింది. పీజెఆర్‌ ఫ్లైఓవర్‌ ప్రత్యేకతలు ఇవే ఇది సుమారు 2 కిలోవిూటర్ల పొడవునా నిర్మించబడిరది. హైదరాబాద్‌ రోడ్‌ డెవలప్‌మెంట్‌ కార్పొరేషన్‌ లిమిటెడ్‌ అమలు చేస్తున్న వ్యూహాత్మక రోడ్‌ డెవలప్‌మెంట్‌ ప్లాన్‌ కింద రూ.172 కోట్ల వ్యయంతో ఈ ఫ్లైఓవర్‌ను నిర్మించారు. ఫైనాన్షియల్‌ డిస్ట్రిక్ట్‌, హైటెక్‌ సిటీ, మాదాపూర్‌, కొండాపూర్‌, గచ్చిబౌలి మధ్య ట్రాఫిక్‌ క్లియర్‌గా సాగేందుకు ఇది కీలకం కానుంది. ఫ్లైఓవర్‌ నిర్మాణాన్ని త్వరగా పూర్తి చేయడమే కాకుండా, దాని పరిసరాల్లో సుందరీకరణ పనులు, స్ట్రీట్‌ లైటింగ్‌, సోషల్‌ వాల్‌ ఆర్ట్‌ వంటి వాటిని కూడా త్వరగా పూర్తిచేయాలని జీహెచ్‌ఎంసీ కమిషనర్‌ ఆర్‌వి కర్ణన్‌ అధికారులను ఆదేశించారు. అలాగే, మేయర్‌ గద్వాల్‌ విజయలక్ష్మి కూడా అన్ని పనులను జూన్‌ 28కి ముందు పూర్తి చేయాలని స్పష్టం చేశారు. హైదరాబాద్‌లో మొత్తం ఎన్ని ఫ్లైఓవర్లు ఉన్నాయంటే? ప్రస్తుతం గ్రేటర్‌ హైదరాబాద్‌ పరిధిలో 35కి పైగా ఫ్లైఓవర్లు ఉన్నాయి. వీటిలో చాలావరకు ూఖీఆఖ కింద నిర్మించబడ్డవే. గత ఏడేళ్లలో హైదరాబాద్‌ ట్రాఫిక్‌ స్మార్ట్‌గా మారడానికి జీహెచ్‌ఎంసీ, ఊఖీఆఅఒలు ఎంతో కీలకంగా పనిచేశాయి.
2024 చివరి నాటికి మరో 8`10 ఫ్లైఓవర్లు, స్కైవాక్‌లు, అండర్‌పాస్‌లు పూర్తి కానున్నాయి. దీని ద్వారా ట్రాఫిక్‌ను మరింత సులభతరం చేయాలని లక్ష్యం పెట్టుకున్నారు. గచ్చిబౌలి మధ్య ప్రయాణ సమయం 20 నిమిషాల నుంచి 5 నిమిషాలకు తగ్గే అవకాశం ఉంది. రోజు ప్రయాణించే లక్షలకు పైగా ఐటీ ఉద్యోగులకు ఊరట లభించనుంది. సవిూప ప్రాంతాలైన మాదాపూర్‌, హైటెక్‌ సిటీ, ఫైనాన్షియల్‌ డిస్ట్రిక్ట్‌ లోకి రాకపోకలు సులభం కానున్నాయి. ట్రాఫిక్‌ వల్ల వృథా అయ్యే ఇంధనం, సమయాన్ని ఆదా చేస్తుంది. వాహనాల వేగాన్ని తగ్గించకుండా నిరీక్షణ లేకుండా ప్రయాణించేందుకు వీలవుతుంది. ఫ్యూచర్‌ హైదరాబాద్‌ ? ఫ్లైఓవర్‌ హబ్‌! హైదరాబాద్‌ ఇప్పుడు మెట్రో, మల్టీలెవల్‌ జంక్షన్‌, స్మార్ట్‌ ఫ్లైఓవర్‌ల నగరంగా పేరుగాంచుతోంది. రాబోయే రోజుల్లో మెట్రో రూట్లతో పాటు, రింగ్‌ రోడ్డు ప్రాజెక్టులతో పాటు మరిన్ని స్మార్ట్‌ కనెక్టివిటీలు వచ్చే అవకాశాలున్నాయి. ఫ్లైఓవర్లు వేగంగా పూర్తవుతున్న తీరును చూస్తే.. ట్రాఫిక్‌తో వేదన భరించాల్సిన రోజులు ముగిసినట్టే అనిపిస్తుంది. హైదరాబాద్‌ నగరంలో ట్రాఫిక్‌ సమస్యకు శాశ్వత పరిష్కారం లభించే దిశగా అడుగులు వేస్తోంది జీహెచ్‌ఎంసీ. పీజెఆర్‌ ఫ్లైఓవర్‌ ప్రారంభంతో నగరంలోని ముఖ్య మార్గాల్లో రద్దీ తగ్గుతుంది. ముఖ్యంగా ఐటీ హబ్‌ పరిధిలో ఇది కీలకమవుతుంది. హైదరాబాద్‌ నగరాన్ని వరల్డ్‌ క్లాస్‌ మాడల్‌గా తీర్చిదిద్దేందుకు జరుగుతున్న ఈ మార్పులు నిజంగా అభినందనీయమని నగరవాసులు అంటున్నారు.