Old City ఛత్రినాక ఫైర్ ఆక్సిడెంట్ బాధిత కుటుంబానికి ప్రభుత్వం అండగా నిలవాలి !

 హైదరాబాద్, మే 20 (ఇయ్యాల తెలంగాణ) :  ఓల్డ్ సిటీ ఛత్రినాక ప్రాంతంలో ఈ రోజు జరిగిన ఫైర్ ఆక్సిడెంట్ లో నష్టపోయిన బాధిత కుటుంబానికి రాష్ట్ర ప్రభుత్వం అండగా నిలవాలని ఎస్సీ డెవలప్ మెంట్ సొసైటీ వ్యవస్థాపక అధ్యక్షులు పులికంటి నరేష్ ఒక ప్రకటనలో కోరారు. బాధిత  కుటుంబానికి వృత్తి ఆధారమైన చెప్పుల వ్యాపారంతో జీవనం సాగిస్తున్నారని హఠాత్తుగా జరిగిన ప్రమాదం వల్ల బాధిత కుటుంబం ఆర్థికంగా తీవ్రంగా నష్ట పోయినట్లు నరేష్ తెలిపారు. తమ వృత్తినే నమ్ముకొని బ్రతుకుతున్న బాధిత కుటుంబానికి హఠాత్తుగా జరిగిన అగ్ని ప్రమాదం ఆర్థికంగా వారు క్రుంగి పోయేలా చేసిందని రోజువారీ వృత్తి తోనే జీవనాన్ని ముందుకు సాగించే కుటుంబానికి ఎస్సీ డెవలప్ మెంట్ సొసైటీ అన్నివిధాలా అండగా నిలబడుతుందని ఈ సందర్భంగా గుర్తు చేశారు. తక్షణమే ప్రభుత్వం తరపున నష్ట పరిహారం అందేలా తగిన చర్యలు తీసుకోవాలని పులికంటి నరేష్ కోరారు.